ក្រុមការងារការិយាល័យគ្រប់គ្រងកម្មវិធីបច្ចេកវិទ្យាឌីជីថល បន្តផ្តល់ការបណ្តុះបណ្តាលពង្រឹងសមត្ថភាពមន្ត្រីក្នុងការប្រើប្រាស់ និងយល់ដឹងអំពីថ្នាល CamDX និង CamDigiKey ការបង្កើត QR Code តាមរយៈ qr.gov.kh និងការប្រើប្រាស់ ChartGPT AI នៅមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន

ចេញ​ផ្សាយ​ ២០ មីនា ២០២៥ 3270

ថ្ងៃទី១៨ ខែមីនា ឆ្នាំ២០២៥  លោក ដាវ វិទូ អនុប្រធានការិយាល័យគ្រប់គ្រងកម្មវិធីបច្ចេកវិទ្យាឌីជីថល បានដឹកនាំក្រុមការងារបន្តផ្តល់វគ្គបណ្តុះបណ្តាលពង្រឹងសមត្ថភាពមន្ត្រីក្នុងការប្រើប្រាស់ និងយល់ដឹងអំពីថ្នាល CamDX និង CamDigiKey  ការបង្កើត QR Code តាមរយៈ qr.gov.kh និងការប្រើប្រាស់ ChartGPT AI នៅមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន ដែលមានសមាសភាពចូលរួមសរុបចំនួន ៣១រូប (ស្រ្តី០៨រូប)។

នាឱកាសនោះ អ្នកចូលរួមទាំងអស់បានជជែកពិភាក្សាជាមួយគ្រូបង្គោល  និងសំដែងការចាប់អារម្មណ៍លើប្រធានបទ ការគ្រប់គ្រងទំព័រហ្វេសប៊ុក ការបង្កើត QR Code សម្រាប់ប្រើប្រាស់លើឯកសារផ្លូវការផ្សេងៗ និងការប្រើប្រាស់បណ្តុំបច្ចេកវិទ្យា AI ដែលជាផ្នែកមួយសំខាន់សម្រាប់ប្រើប្រាស់ក្នុងការងារប្រចាំថ្ងៃរបស់ពួកគាត់។

បន្ថែមពីការបណ្តុះបណ្តាលនេះ ក្រុមការងារការិយាល័យគ្រប់គ្រងកម្មវិធីបច្ចេកវិទ្យាឌីជីថល បានធ្វើបទបង្ហាញបន្ថែមលើ ការងារគ្រប់គ្រងទំព័រហ្វេសប៊ុក និងរបៀបប្រើប្រាស់ Cool App ជូនដល់មន្រ្តីនៃមន្ទីរ និងមន្ត្រីកសិកម្មឃុំ ដើម្បីយល់ដឹងបន្ថែមសម្រាប់ប្រើប្រាស់ក្នុងការងារប្រចាំថ្ងៃ។

ជាទីបញ្ចប់ ក្រុមការងារការិយាល័យគ្រប់គ្រងកម្មវិធីឌីជីថល បានជួយសម្របសម្រួលដោះស្រាយបញ្ហាការងារមួយចំនួនលើការគ្រប់គ្រងទំព័រហ្វេសបុកផ្លូវការរបស់មន្ទីរ និងពន្យល់បន្ថែមពីសុវត្ថិភាពនៃការប្រើប្រាស់ និងគ្រប់គ្រងទំព័រហ្វេសបុក និងគេហទំព័ររបស់មន្ទីររក្សាឱ្យបាននូវសុវត្ថិភាពខ្ពស់។