បណ្ណាល័យកសិកម្មចុះសិក្សាពីការរៀបចំ តម្កល់ ផ្សព្វផ្សាយ និងប្រមូលឯកសារ អត្ថបទបច្ចេកទេសកសិកម្ម ជាទម្រង់ភីឌីអេហ្វ (PDF) សៀវភៅ វីដេអូ (Video) ស្ថិតិកសិកម្ម និងទីផ្សារដំណាំកសិកម្ម ដើម្បីបង្កើតគេហទំព័រប្រព័ន្ធបណ្ណាល័យកសិកម្ម (E-Library)

ចេញ​ផ្សាយ​ ២២ មិថុនា ២០១៨ 21064

នៅថ្ងៃព្រហស្បតិ៍ ២កើត ខែបឋមសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៤ ខែមិថុនា ឆ្នាំ២០១៨ ក្រុមការងារនៃមជ្ឈមណ្ឌលព័ត៌មាន និង ឯកសារកសិកម្ម បានចុះទៅជួបមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ក្នុងគោលបំណង ដើម្បីសិក្សាពីការរៀបចំ តម្កល់ ផ្សព្វផ្សាយ និងប្រមូលឯកសារ អត្ថបទបច្ចេកទេសកសិកម្ម ជាទម្រង់ភីឌីអេហ្វ (PDF) សៀវភៅ វីដេអូ (Video) ស្ថិតិកសិកម្ម និងទីផ្សារដំណាំកសិកម្ម ដើម្បីបង្កើតគេហទំព័រប្រព័ន្ធបណ្ណាល័យកសិកម្មអេឡិចត្រូនិក (E-Library)។ ក្រុមការងារនៃមជ្ឈមណ្ឌលបានទទួលការស្វាគមន៍ និងជួបពិភាក្សាជាមួយលោកប្រធាន-អនុប្រធានការិយាល័យ និងមន្រ្តីការិយាល័យជំនាញ។ ក្រុមការងារនៃមជ្ឈមណ្ឌលបានស្វែងយល់អំពីការរៀបចំ តម្កល់ នឹងផ្សព្វផ្សាយឯកសាររបស់មន្ទីរ ហើយនឹងបានប្រមូលឯកសារបានមួយចំនួន ដើម្បីការរៀបចំដាក់បញ្ចូលក្នុងគេហទំព័រប្រព័ន្ធបណ្ណាល័យកសិកម្ម។