នាយកដ្ឋានផែនការ ហិរញ្ញវត្ថុ និងសហប្រតិបត្តិការអន្តរជាតិ (DPFIC) នៃរដ្ឋបាលជលផល ទទួលបន្ទុកចងក្រងនិងផ្សព្វផ្សាយស្ថិតិជលផល។ ខណ្ឌរដ្ឋបាលជលផលទទួលបន្ទុកប្រមូលនិងរាយការណ៍ស្ថិតិជលផលតាមរយៈប្រព័ន្ធ FishStat ជាផ្នែកមួយនៃប្រព័ន្ធគ្រប់គ្រងព័ត៌មានជលផល (FIMS) ដែលត្រូវបានបង្កើតឡើងដោយរដ្ឋបាលជលផល ជាមូលដ្ឋានសម្រាប់គ្រប់គ្រងវិស័យជលផល។

ចាប់តាំងពីឆ្នាំ២០២៣មក រដ្ឋបាលជលផលបានដំណើរការប្រព័ន្ធរាយការណ៍ស្ថិតិ និងព័ត៌មានជលផលពីខណ្ឌរដ្ឋបាលជលផលតាមប្រព័ន្ធឌីជីថលទាំងស្រុង សម្រាប់ការបញ្ចូល ដំណើរការ និងការវិភាគទិន្នន័យតាមកម្មវិធី KoBoToolbox ដែលត្រូវបានប្រើជាមូលដ្ឋានសម្រាប់រៀបចំបូកសរុបរបាយការណ៍ស្ថិតិជលផលប្រចាំឆ្នាំ។ ស្របតាមបទពិសោធន៍រយៈពេលពីរឆ្នាំចុងក្រោយនេះ ការកែសម្រួលបន្ថែមត្រូវបានធ្វើឡើងដើម្បីសម្របសម្រួលដល់ការបញ្ចូលទិន្នន័យ វិភាគ និងរាយការណ៍ព័ត៌មានជលផល។