ឯកឧត្តមរដ្ឋលេខាធិការ ឱម គឹមស៊ា អញ្ជើញចូលរួមកិច្ចប្រជុំបូកសរុបលទ្ធផលការងារប្រចាំត្រីមាសទី២ ឆ្នាំ២០២៥ នៅស្រុករលាប្អៀរ ខេត្តកំពង់ឆ្នាំង

ចេញ​ផ្សាយ​ ២៧ មិថុនា ២០២៥ 22

នៅថ្ងៃទី​២៧​ ខែមិថុនា​  ឆ្នាំ២០២៥​ ឯកឧត្ដម ឱម គឹមស៊ា រដ្ឋលេខាធិការក្រសួងកសិកម្ម និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុករលាប្អៀរ បានអញ្ជើញចូលរួមកិច្ចប្រជុំបូកសរុបលទ្ធផលការងារប្រចាំត្រីមាសទី២ ឆ្នាំ២០២៥ របស់ក្រុមការងាររាជរដ្ឋាភិបាលចុះមូលដ្ឋានស្រុករលាប្អៀរ ខេត្តកំពង់ឆ្នាំង។ 

កិច្ចប្រជុំនេះ រៀបចំឡើងនៅសាលប្រជុំសាលាស្រុករលាប្អៀរ  ក្រោមអធិបតីភាពឯកឧត្តម ភួង​ សោភា រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាល​ចុះមូលដ្ឋានស្រុករលារប្អៀរ​ ខេត្តកំពង់ឆ្នាំង​ និងមានការចូលរួមពីឯកឧត្តមដែលជាអនុប្រធាន លោកអភិបាលស្រុករលាប្អៀរ លោកប្រធានមន្ទីរកសិកម្មខេត្តកំពង់ឆ្នាំង លោកមេឃុំ លោក លោកស្រីដែលជាសមាជិកក្រុមការងាររាជរដ្ឋាភិបាលចុះមូលដ្ឋានស្រុករលាប្អៀរ ខេត្តកំពង់ឆ្នាំង។

ឯកឧត្តមរដ្ឋលេខាធិការគូសបញ្ជាក់ថា កិច្ចប្រជុំនេះរៀបចំឡើងក្នុងគោលបំណងដោះស្រាយក្ដីកង្វល់ និងសំណូមពរមួយចំនួនរបស់ប្រជាពលរដ្ឋដែលរស់នៅក្នុងមូលដ្ឋានស្រុករលាប្អៀរទាំងមូល៕