ព័ត៌មានផ្សេងៗទៀត
ឯកឧត្តមរដ្ឋលេខាធិការ ចាន់ សុវុឌ្ឍ អញ្ជើញដឹកនាំក្រុមការងារជួបសំណេះសំណាលជាមួយនិស្សិតជ័យលាភីអាហារូបករណ៍របស់រាជរដ្ឋាភិបាលប្រទេសអូស្ត្រាលី និងអាហារូបករណ៍របស់រាជរដ្ឋាភិបាលជប៉ុន
ចេញផ្សាយ ២៥ មីនា ២០២៥ 1578
នៅថ្ងៃទី២៤ ខែមីនា ឆ្នាំ២០២៥ ឯកឧត្តម ចាន់ សុវុឌ្ឍ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អញ្ជើញដឹកនាំក្រុមការងារ ដែលមាន ឯកឧត្តម សួន សេរី លោកជំទាវ ចាន់ ផលលឿន អនុរដ្ឋលេខាធិកា ឯកឧត្តម ង៉ោ ប៊ុនថាន សាកលវិទ្យាធិការនៃសកលវិទ្យាល័យភូមិន្ទកសិកម្ម លោក ទី ចាន់ណា ប្រធាននាយកដ្ឋានបុគ្គលិក និងអភិឌ្ឍន៍ធនធានមនុស្ស បានទទួលជួបសំណេះសំណាលជាមួយនិស្សិតជ័យលាភីអាហារូបករណ៍ កម្មវិធីរបស់រាជរដ្ឋាភិបាលប្រទេសអូស្ត្រាលីចំនួន២៣រូប និងនិស្សិតអាហារូបករណ៍របស់រាជរដ្ឋាភិបាលជប៉ុនចំនួន៣៤រូប។
ជំនួបនេះធ្វើឡើង នៅទីស្តីការក្រសួងកសិកម្ម ក្នុងគោលបំណង ដើម្បីសុំបទពិសោធន៍ និងអនុសាសន៍ណែនាំពីថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ មុននឹងចេញទៅបន្តការសិក្សានៅប្រទេសអូស្ត្រាលី និងប្រទេសជប៉ុន ក្នុងឆ្នាំសិក្សា២០២៥។
នៅចំពោះមុខនិស្សិតទាំងអស់ ឯកឧត្តមរដ្ឋលេខាធិការ បានគូសបញ្ជាក់អំពីគោលនយោបាយរបស់រាជរដ្ឋាភិបាល ក៏ដូចជាគោលនយោបាយរបស់ក្រសួងកសិកម្ម រុក្ខាប្រមាញ់ និងនេសាទ។ ឯកឧត្តមក៏បានផ្តល់អនុសាសន៍ណែនាំដល់បេក្ខជន និងបេក្ខនារីជ័យលាភីទាំងអស់ ត្រូវចេះក្តាប់ឱកាសសិក្សាស្វែងយល់នូវបទពិសោធន៍ថ្មីៗបន្ថែមទៀត ដើម្បីកសាងសមត្ថភាពជំនាញ ដើម្បីបម្រើដល់ការអភិវឌ្ឍសង្គម និងសេដ្ឋកិច្ចកម្ពុជាក្នុងពេលបច្ចុប្បន្ន ជាពិសេសក្នុងពេលអនាគតឱ្យកាន់តែប្រសើរ ប្រកបដោយចំណេះជំនាញ និងបទពិសោធន៍យ៉ាងពិតប្រាកដ៕
